"PSJ" bosh murabbiyi Kristof Galtye Chempionlar ligasi pley-off bosqichida "Bavariya"ga qarshi bo‘ladigan javob o‘yini haqida gapirdi. Dastlabki bahsda parijliklar o‘z maydonida 0:1 hisobida mag‘lub bo‘lishdi.
"Myunxenda erkin nafas olish uchun bir daqiqa vaqt ham bo‘lmaydi. Butun o‘yin davomida to‘liq kuch bilan o‘ynashingiz kerak bo‘ladi. Biz katta istak va iroda bilan o‘ynaymiz. Katta o‘yinlarda shunday harakat qilish kerak”, - deb yozadi murabbiyning so‘zlarini RMC Sport.
O‘yin 8 mart chorshanba kuni Myunxenda bo‘lib o‘tadi.
