Суперлиганинг 1-тури доирасида сафарда “Турон”ни мағлуб этган “Бухоро” клуби бош мураббийи Ҳаким Фузайлов учрашувда унинг шогирдлари борини бериб ўйнагани, рақибнинг таниш экани ва янги қўшилган легионерлар ҳақида фикр билдирди.
“Аввало, ўйин учун барча футболчиларга миннатдорчилик билдираман. Улар бугун майдонда борларини бериб ўйнашди. Қийин учрашувда қийин ғалабага эришдик. Мавсум аввалида ўйин борасида фикр билдириш қийин. Яхши ўйнасак, натижа ҳам келаверади”, - дейди Фузайлов.
“Бу рақиб албатта таниш ва уларга қарши ўтган мавсумда ҳам ўйнагандик. Улар ҳақида етарлича ма’лумотларимиз бор. Аммо, мавсум аввалида уларнинг қандай ҳолатда экани ҳақида тасаввуримиз йўқ эди”.
“Янги футболчилар ҳақида фикрларим ижобий. Станисавиевич яқинда келиб қўшилган бўлса ҳам яхши футболчи экани кўриниб турибди. Унга биздан бошқа яна ҳаридорлар бор эди. Йиғинларда бироз жароҳат олгани боис, ҳали тўлиқ ўйин амалиётига эга эмас”.
