Симоне Индзаги А Серияда «Интер»нинг «Лечче» устидан қозонилган ғалабасини (2:0) юқори баҳолади.
«Биз жуда яхши ўйин ва тўғри муносабат кўрсатдик, юқори даражадаги босимга дош бердик. Жамоа бу мавсумда кўплаб йирик клубларга муаммо туғдирган «Лечче»га қарши ғалаба қозонишга ҳақли эди.
Биз консентрацияни сақлаб қолдик, бир лаҳза бўлсада, хаёлни бўлмадик – барча ўйинлар шундай ютилади.
«Лечче» - тажовузкор рақиб, кучли прессинг қилишади, шунинг учун биз тўпсиз кўп ҳаракат қилишимиз ва бўш жой яратишимиз керак эди. Йигитлар ажойиб иш қилишди», - деди «Интер» бош мураббийи.
