Каталониянинг "Барселона" клубини собиқ ҳужумчиси Луис Суарес "кўк-анорранглилар" таркибидаги Неймар ва Лионель Месси билан биргаликдаги ўйинларини эслади.
"2016 йилда Роналду билан "Олтин бутса" учун курашганимда Неймар ва Лео менга катта ёрдам беришди. Пенальти тепишимга рухсат беришди, имкон қадар кўпроқ гол уришим учун кўп пас беришди. Улар ўша мавсумда ўша совринни қўлга киритишимга ёрдам беришди. Бу учта юлдуз бир жамоада келиша олиши ва фойдали бўлиши мумкинлигига кўпроқ далилдир", - деди уругвайлик ҳужумчи Placar билан суҳбатда.
Эслатиб ўтамиз, 2015/2016 йилги мавсумда Суарес 40 та гол урган.
