"Лейпциг" ҳужумчиси Кристофер Нкунку жароҳати туфайли камида икки ҳафтага сафдан чиқди. Бу ҳақда Get French Football News нашри хабар бермоқда.
Эслатиб ўтамиз, Нкунку Бундеслига доирасида Дортмунднинг "Боруссия" жамоасига қарши жума куни ўтказилган ўйиндан сўнг (1:2) сафдан чиққан эди. Унинг чап сонида майда мушак йиртилгани аниқланган.
Шунга кўра, футболчи 14 март куни Манчестер шаҳрида, "Этиҳад" стадионида бўлиб ўтадиган "Манчестер Сити"га қарши Чемпионлар лигаси 1/8 финалидаги жавоб ўйинини ўтказиб юборади. Февраль ойи охирида "Лейпциг"да ўтказилган биринчи ўйин дуранг билан якунланганди - 1:1.
Нкунку жорий мавсумда барча расмий мусобақаларда 17 та гол урди ва 5 та голли узатмани амалга оширди.
