Хорватия футбол федерацияси ўзининг ижтимоий тармоқларида Хорватия терма жамоасининг 2024 йилги Европа чемпионати саралаш босқичидаги ўйинларида иштирок этадиган 29 нафар футболчилар рўйхатини эълон қилди.
Хорватия 25 ва 28 март кунлари мос равишда Уэльс ва Туркияга қарши майдонга тушади. 25 март куни «шашкачилар» ўз уйларида уэльсликлар билан, уч кундан кейин эса турклар билан меҳмонда ўйнайди.
Рўйхатдан терма жамоа фахрийлари – Лука Модрич ва Иван Перишич, ҳимоячилар Домагой Вида ва Йошко Гвардиол, ярим ҳимоячилар Никола Влашич, Матео Ковачич, Марсело Брозович ва бошқалар ўрин олган.
Дарвозадан Доминик Ливакович жой олади.
Эслатиб ўтамиз, Қатарда бўлиб ўтган жаҳон чемпионатида «шашкачилар» бронза учун ўйинда Марокаш терма жамоасини мағлуб этиб, учинчи ўринни эгаллаган эди - 2:1.