Жоау Феликс қишки трансфер ойнасида "Атлетико"дан "Челси"га ўтди. Лондон клуби 23 ёшли португалияликни сотиб олиш ҳуқуқисиз ижарага олди. Ҳужумчи ижара муддати тугаганидан кейин "Челси"да қолишни хоҳлайсизми, деган саволга жавоб берди.
“Менимча, ҳеч ким келажакни билмайди. Ҳозир бор эътиборимни “Боруссия”га қарши Чемпионлар лигаси ўйинига қаратганман. Кейинчалик нима бўлади, ҳеч ким билмайди. "Челси" катта ва ажойиб клуб. Мен бу ерда эканлигимдан хурсандман”, - дея Феликс сўзларини келтирган журналист Саймон Жонсон.
"Челси" сафида Жоау Феликс бешта ўйинда майдонга тушишга муваффақ бўлди. Уларда португалиялик битта гол урди.
