Италиялик дарвозабон Жанлуижи Доннарумма Франция чемпионатини тарк этиб, ватанига қайтиши мумкин. Бу ҳақда Fichajes хабар бермоқда.
24 ёшли юлдуз дарвозабон хизматларига Туриннинг "Ювентус" клуби қизиқиш билдирмоқда. "Кекса синьора" раҳбарияти Доннаруммани ёзги трансфер ойнасида қўлга киритиш учун бор кучини сарфлайди.
Жанлуиджи 2021 йилнинг ёзида "Милан"дан "ПСЖ"га ўтган эди. Унинг клуб билан амалдаги шартномаси 2025/2026 йилги мавсум охиригача амал қилади. Футболчининг трансфер нархи 50 миллион еврога баҳоланмоқда.
Лига 1'нинг ушбу мавсумида италиялик футболчи 26 та ўйин ўтказиб, 25 та гол ўтказиб юборган.
