Крис Саттоннинг фикрича, Бруну Фернандеш "Манчестер Юнайтед" сардори бўлмаслиги керак.
"Манчестер Юнайтед"да сардорга кўпроқ мос келадиган футболчилар бор. Фернандеш энг яхши етакчи эмас. Ундан кўра муносиб номзодлар бор - масалан, Каземиро. Менимча, Бруну Фернандеш бошқа ҳеч қачон "Манчестер Юнайтед" сардори лавозимини эгалламаслиги керак.
"Манчестер Юнайтед” қанчалик ёмон бўлса ҳам, таслим бўлиб, кимдир сизни мағлуб этишига йўл қўйиб бўлмайди. Аммо "Манчестер Юнайтед" сардори "Ливерпул"га қарши шундай қилди ва бу жуда хунук кўринди.
Менимча, агар у ҳақиқатан ҳам сардорлик боғичидан маҳрум бўлса, унинг фойдасига жиддий баҳслар бўлмайди. Менимча, Брунунинг сардор сифатидаги кунлари саноқли" - деди "Сельтик"нинг собиқ футболчиси BBC 5 Radio Live билан суҳбатда.
