"ПСЖ" бош мураббийи Кристоф Галтье Неймарнинг жароҳати ҳақида гапирди.
Эслатиб ўтамиз, бразилиялик футболчи фақат кейинги мавсумда сафга қайтади. "Бавария"га қарши Чемпионлар лигаси ўйини олдидан парижликлар устози бу борадаги фикрларини билдирди.
"Неймарнинг жароҳати атрофидаги баҳс ҳақида эшитдим. Усиз "ПСЖ" яхшироқ бўладими? йўқ! Жорий мавсумда у 17 та гол урди ва 11 та голли узатмани амалга оширди. Бу ерда бўлганимнинг биринчи куниданоқ у ўзини профессионал сифатида кўрсатди. Таркибда шундай футболчининг борлиги ҳамиша ҳужумни янада хавфли қилади", - деди франциялик мутахассис матбуот анжуманида.
"Бавария" - "ПСЖ" учрашуви 8 март куни тунда бўлиб ўтади. Биринчи учрашув мюнхенликларнинг 1:0 ҳисобидаги ғалабаси билан якунланган эди.
