"Челси" бош мураббийи Грэм Поттер Чемпионлар лигаси 1/8 финали жавоб учрашувида "Боруссия" устидан қозонилган ғалаба (2:0) ҳақида фикр билдирди.
“Тўғрисини айтсам, ҳозир ўзимни қандай ҳис қилаётганимни ҳам тушунолмаяпман. Кўп ҳис-туйғулар мавжуд. Охирида кескинликни тасаввур қилишингиз мумкин. Менимча, йигитлар ажойиб ўйнашди. Улар жуда яхши ўйнашди, голли вазиятлар яратишди, шунинг учун улар ғалаба қозонганидан хурсандман. Ҳозир ҳаммамизнинг кайфиятимиз аъло даражада.
Кийиниш хонасида ажойиб муҳит ҳукм сурди. Ҳамма жуда хурсанд. Бизни қийин ўйин ўтказдик. Биз ғалаба қозониб, чорак финалга чиқишни хоҳлагандик. Бу турнир биз учун жуда муҳим. Ғалаба бизни кейинги ҳафталар учун ижобий энергия билан тўлдиради", - дея Поттернинг сўзларини келтиради УЕФА матбуот хизмати.
