Англия терма жамоасининг собиқ ярим ҳимоячиси Майкл Каррик "Вест Хэм" бош мураббийи лавозимига тайинланиши мумкин.
41 ёшли мутахассис ҳозирда чемпионшипда "Мидлсбро"ни бошқармоқда. Times Sport хабарига кўра, "Вест Хэм" истеъфога чиқарилиши кутилаётган Девид Мойес ўрнига Каррикни олиб келиши мумкин.
"Болғачилар" жорий мавсумда ишончсиз натижалар кўрсатишмоқда ва шу боис шотландиялик мутахассис ўрнига номзодларни ўрганишмоқда.
Майкл Каррикнинг "Мидлсбро" билан шартномаси 2025 йилгача мўлжалланган. Мураббий ҳозирги ишини 2022 йил октябрь ойида бошлаган.
