"ПСЖ" бош мураббийи Кристоф Галтье Чемпионлар лигаси 1/8 финал жавоб ўйинида "Бавария"дан учралган мағлубият (0:2) ҳақида фикр билдирди.
"Бизда ажойиб имконият бўлганида ҳисоб очолмадик. Биринчи бўлимда яхши ўйнадик, аммо имкониятларимиздан фойдалана олмадик. Биринчи тўпни жуда аҳмоқона ўтказиб юбордик. Бу даражада бундай голларни ўтказиб юбориб бўлмайди. Ҳа, "Бавария" босим ўтказди, лекин баъзида босимни бартараф этиш учун тўпни узоқроққа тепишга тўғри келади. Биз бундан уялишимиз шарт эмас. Бир соатлик ўйиндан кейин ҳисобни ўтказиб юбориш қийин бўлади", - деди Галтье УЕФА матбуот хизматига.
