Юртимизда ўтаётган 20 ёшли футболчилар ўртасидаги Осиё чемпионатида гуруҳ босқичи якунига етди. Бугун "D" гуруҳи вакиллари 3-тур баҳсларини ўтказишди.
Саудия Арабистони терма жамоаси Японияга қарши майдонга чиқиб, 1:2 ҳисобида имкониятни бой берди. Натижада саудияликлар 3 очко билан гуруҳда 3-ўринни эгаллашди. Хитой эса Қирғизистон билан дуранг ўйнаб, ўз очколарини 4 тага етказди ва 2-ўрин билан чорак финалга чиқди.
Натижада U20 Осиё кубогида чорак финал жуфтликлари қуйидагича кўринишда бўлди:
11 март, шанба
15:00. Эрон - Ироқ
19:00. Ўзбекистон - Австралия
12 март, якшанба
15:00. Жанубий Корея - Хитой
19:00. Япония - Иордания
