"ПСЖ" ҳимоячиси Серхио Рамос жамоанинг Чемпионлар лигаси плей-офф босқичини тарк этгани ҳақида фикр билдирди.

1/8 финалнинг икки ўйини якунига кўра парижликлар "Бавария"га имкониятни бой бериб (0:1, 0:2) Европанинг клублар ўртасидаги энг нуфузли турнирини тарк этди.

"Биз ҳам сиз мухлислар каби натижадан ҳафсаламиз пир бўлди. Бизнинг ўйинимиз Чемпионлар лигаси даражасига тўғри келмади, ташвишланиш оғир, лекин чемпионлар доим мағлубиятдан кейин қайтиб келишади", - деб пост қолдирди Рамос ижтимоий тармоқда.

Жорий мавсумда 36 ёшли футболчи барча турнирларни ҳисобга олган ҳолда 35 та ўйинда қатнашиб, иккита гол ва битта голли узатмани амалга оширди.