"Барселона" молиявий қийинчиликларни бошдан кечиришда давом этмоқда. Шунинг учун клуб ҳужумчи Ансу Фати сотишга тайёр.
Испаниянинг Sport нашри хабарига кўра, каталонияликлар Фати трансфери учун сўралган суммани камайтиришга қарор қилишган. Энди "кўк-анорранглилар" 20 ёшли футболчини 100 миллион еврога эмас, балки арзонроққа сотишга тайёр.
Ансу Фати бир қанча клублар, хусусан, Англиянинг "Ливерпуль", "Манчестер Юнайтед" ва "Тоттенхэм" клублари билан боғланганлиги ҳақида миш-мишлар тарқалди.
2022/2023 йилги мавсумда Ансу Фати "Барселона" сафида 36 та расмий ўйинда майдонга тушган. Уларда футболчи олтита гол урди ва шерикларига учта самарали узатма берди.
