“Рома” бош мураббийи Жозе Моуриньо Европа лигасининг 1/8 финалида “Реал Сосьедад” устидан қозонилган ғалаба ҳақида гапирди.

Римликлар Ла Лига вакилларини 2:0 ҳисобида мағлуб этиб, ҳар бир бўлимда биттадан гол уришди.

“Менга футболчиларнинг ташкилотчилиги, ўзаро келишиб ҳаракат қилгани ёқди. Рақибларнинг тўпга эгалик қилишдаги устунлигига қарамай, учрашувни назорат қилдик. Жамоа тўпга кам эгалик қилганда доим менталитет асосий роль ўйнайди ва бугун бизда бу жиҳатда ҳеч қандай муаммо йўқ эди. Буни яхши натижа деб айта олмайман, чунки олдинда жавоб учрашуви бор. Қарама-қаршилик натижаси муваффақиятли бўлсагина, худди шундай фикрда гапириш мумкин", - деди Моуриньо Sky Sport нашрига берган интервьюсида.