“Roma” bosh murabbiyi Joze Mourinyo Yevropa ligasining 1/8 finalida “Real Sosyedad” ustidan qozonilgan g‘alaba haqida gapirdi.

Rimliklar La Liga vakillarini 2:0 hisobida mag‘lub etib, har bir bo‘limda bittadan gol urishdi.

“Menga futbolchilarning tashkilotchiligi, o‘zaro kelishib harakat qilgani yoqdi. Raqiblarning to‘pga egalik qilishdagi ustunligiga qaramay, uchrashuvni nazorat qildik. Jamoa to‘pga kam egalik qilganda doim mentalitet asosiy rol o‘ynaydi va bugun bizda bu jihatda hech qanday muammo yo‘q edi. Buni yaxshi natija deb ayta olmayman, chunki oldinda javob uchrashuvi bor. Qarama-qarshilik natijasi muvaffaqiyatli bo‘lsagina, xuddi shunday fikrda gapirish mumkin", - dedi Mourinyo Sky Sport nashriga bergan intervyusida.