"ПСЖ" раҳбарияти кеча йиғилиш ўтказиб, бош мураббий Кристоф Галтьенинг келажаги борасида якуний қарорга келди.
Эслатиб ўтамиз, Париж жамоаси яқинда Чемпионлар лигасининг ⅛ финал босқичида "Бавария"дан мағлубиятга учраб, мусобақани тарк этганди.
Журналист Маттео Мореттонинг ёзишича, клуб раҳбарияти Галтье бошчилигидаги жамоанинг натижаларидан хавотирда. Лига 1да пешқадам бўлишига қарамай, "ПСЖ" аввалроқ Франция кубогидан ҳам чиқиб кетган эди.
2017 йилдан бери "ПСЖ" 5 марта плей-оффнинг биринчи босқичида Чемпионлар лигасидан чиқиб кетмоқда. Олдинроқ парижликлар бош мураббийи сифатида Галтьенинг ўрнини жамоанинг собиқ футболчиси Тиаго Мотта ёки собиқ устози Томас Тухель эгаллаши мумкинлиги ҳақида хабарлар тарқалган эди.
