«Торино» ёзда «Аталанта»дан россиялик ярим ҳимоячи Алексей Миранчукни доимий равишда сотиб олишни режалаштирмоқда. 

Манбанинг хабарига кўра, клуб россиялик футболчини бу ёздаги асосий трансфер мақсади сифатида белгилаган. Қайд этилишича, «Торино» Миранчукнинг келажагини аниқламагунча бошқа вариантларини изламайди. Бироқ, «Аталанта» бош мураббийи Жан Пьеро Гасперини ярим ҳимоячини ўз жамоасига қайтаришни истамоқда.

Россиялик футболчига Италия чемпионатининг яна бир қанча клублари қизиқиш билдирмоқда. 27 ёшли ярим ҳимоячи жорий мавсум А Сериянинг 19 та учрашувида майдонга тушиб, 4 та гол урди ва 4 та голли узатмани амалга оширди. У Турин клубида шу йилнинг ёзига қадар ижара асосида ўйнайди.