«Torino» yozda «Atalanta»dan rossiyalik yarim himoyachi Aleksey Miranchukni doimiy ravishda sotib olishni rejalashtirmoqda.
Manbaning xabariga ko‘ra, klub rossiyalik futbolchini bu yozdagi asosiy transfer maqsadi sifatida belgilagan. Qayd etilishicha, «Torino» Miranchukning kelajagini aniqlamaguncha boshqa variantlarini izlamaydi. Biroq, «Atalanta» bosh murabbiyi Jan Pyero Gasperini yarim himoyachini o‘z jamoasiga qaytarishni istamoqda.
Rossiyalik futbolchiga Italiya chempionatining yana bir qancha klublari qiziqish bildirmoqda. 27 yoshli yarim himoyachi joriy mavsum A Seriyaning 19 ta uchrashuvida maydonga tushib, 4 ta gol urdi va 4 ta golli uzatmani amalga oshirdi. U Turin klubida shu yilning yoziga qadar ijara asosida o‘ynaydi.
