Шу ҳафта Чемпионлар лигаси 1/8 финалининг айрим жавоб ўйинлари бўлиб ўтди. «Бенфика» ҳужумчиси Рафа Силва ҳафтанинг энг яхши футболчиси деб топилди. Маълумотлар УЕФА расмий сайти саҳифаларида эълон қилинган.
Сешанба оқшомида «Бенфика» клуби «Брюгге»ни 5:1 ҳисобида мағлуб этди. Рафа Силва Лиссабон клуби томонидан киритилган голлардан бирининг муаллифига айланди.
Эслатиб ўтамиз, «Бенфика», «Челси», «Бавария» ва «Милан» Чемпионлар лигасининг чорак финалига қадар етиб борган. Кейинги ҳафтада яна тўртта чипта ўйналади. 1/8 финал жавоб ўйинларининг иккинчи қисмидан сўнг қуръа ташлаш маросими бўлиб ўтади.
