Ўтган йили кўпчилик Килиан Мбаппени "Реал Мадрид"га трансферини кутганди. Бироқ баҳорда ҳужумчи "ПСЖ" билан шартномани узайтиришга қарор қилди. Айни дамда Мбаппенинг келажаги муҳокама остида қолмоқда.
Испаниянинг Marca нашри хабарига кўра, Килиан Мбаппе ўтган ёзда "Реал"га қўнғироқ қилган.
Ҳужумчи Мадрид клубига нима учун фикридан қайтгани ва янги шартнома имзолаганини тушунтириб берди. Мбаппе, шунингдек, Париждаги меҳнат шартномаси узайтирилганидан афсусда эканлигини билдирди ва "қаймоқранглилар" келажакда шартнома имзолашни хоҳлайдими ёки йўқлигини билишни хоҳлади.
Килиан Мбаппе 24 ёшда ва Transfermarkt экспертлари томонидан 180 миллион еврога баҳоланган.
