Дортмунднинг "Боруссия" клуби ва Германия терма жамоаси ҳужумчиси Юсуф Мукоко ўзининг ҳақиқий ёшини сохталаштирган бўлиши мумкин, дея хабар беради Bunte.
Манбага кўра, Франкфурт-на-Майн округ суди футболчининг туғилганлик ҳақидаги гувоҳномасини чоп этишнинг қонунийлиги тўғрисида қарор чиқарган. Ҳужжатда унинг 2004 йилда эмас, 2000 йилда туғилгани кўрсатилган. Шундай қилиб, форвард 18 эмас, балки 22 ёшда бўлиши мумкин.
Жорий мавсумда Мукоко "Боруссия Дортмунд" сафида 26 та ўйинда майдонга тушиб, 6 та гол урди ва 6 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.