Dortmundning "Borussiya" klubi va Germaniya terma jamoasi hujumchisi Yusuf Mukoko o‘zining haqiqiy yoshini soxtalashtirgan bo‘lishi mumkin, deya xabar beradi Bunte.
Manbaga ko‘ra, Frankfurt-na-Mayn okrug sudi futbolchining tug‘ilganlik haqidagi guvohnomasini chop etishning qonuniyligi to‘g‘risida qaror chiqargan. Hujjatda uning 2004 yilda emas, 2000 yilda tug‘ilgani ko‘rsatilgan. Shunday qilib, forvard 18 emas, balki 22 yoshda bo‘lishi mumkin.
Joriy mavsumda Mukoko "Borussiya Dortmund" safida 26 ta o‘yinda maydonga tushib, 6 ta gol urdi va 6 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.