Эрон ва Саудия Арабистони анча аввал узилган дипломатик муносабатларни тиклашга келишиб олди.
2016 йилда Саудия Арабистонида шиа руҳонийси қатл этилиши ва Саудия Арабистонининг Эрондаги дипломатик ваколатхоналарига уюштирилган ҳужумлардан кейин улар ўртасидаги вазият кескинлашган эди.
Бу футболда ҳам ўз аксини топди, шундан бери Эрон ва Саудия Арабистони клублари ўзаро тўқнаш келиб қолса, ОЧЛ ўйинларини нейтрал майдонда ўтказишди.
Энди Чемпионлар лигасининг янги мавсумида бу ўйинларни жамоаларнинг ўз майдонларида ўтказиш имконияти бор.
