Бугун Суперлиганинг 2-тур ўйинлари давом эттирилади. Кеча "Сўғдиёна" - "Олимпик" (2:2) ва "Нефтчи" - "Пахтакор" (2:1) жамоалари ўртасидаги беллашув тур ўйинларини очиб берганди.
Наманганга "Навбаҳор" Бекободнинг "Металлург" жамоасини қабул қилади. Бабаян шогирдлари биринчи турни ҳам ўз майдонида ўтказиб, "Қизилқум"ни 3:0 ҳисобида мағлуб этган бўлса, "Металлург" Бекободда "Нефтчи"га 0:3 ҳисобида имкониятни бой берганди.
Тошкентдаги "Пахтакор" стадионида эса Термизнинг "Сурхон" жамоаси 1-турда Қаршида "Насаф"ни мағлубиятга учратган "Андижон" жамоасига номинал мезбонлик қилади.
Турнинг қолган ўйинлари эрта ва индинга бўлиб ўтади.
