Бугун U20 Осиё кубогининг чорак финал баҳслари старт олади. Эртанги баҳслар учун Хитой терма жамоаси устози Антонио Пуч учрашувдан олдинги матбуот анжуманида иштирок этди.
«Бу баҳс умуман бошқа даражада ўтади. 3 хил алоҳида ўйинларни ўтказдик. Корея биз учун мавҳум жамоа. Тезкор ҳужумлар уюштирувчи жисмонан кучли жамоага тўқнаш келамиз. Рақибнинг мураббийи ҳам анча тажрибали.
Бунгача ҳеч ким бу ергача келишимизга ишонмаганди. Футболда имконсиз нарсанининг ўзи йўқ. Яхши тайёргарлик кўрдик ва ЖЧга чиқишга ҳаракат қиламиз. Нега йўқ экан, олдиндан ҳеч нарса деб бўлмайди. Рақибларимиз жуда кучли. Улар турнирни энг кўп ютишган. Бироқ бу футбол ва бу ерда учрашувдан олдин тенг сонли иштирокчилар бўлади. Охиригача курашамиз.
Корея футболи билан орамизда фарқ катта. Бироқ ички лигамиз ўсиб борар экан, натижалар келаверади. Ҳозир ўтган йиллардан анча яхши ўсиш кузатилган. Ёшларга имкон етарлича бериляпти», — деди мураббий.
