Лондоннинг "Арсенал" жамоаси ҳужумга қўшимча куч излашда давом этмоқда. Инсайдер Кристиан Фальк хабарига кўра, "канонирлар" Леверкузеннинг "Байер" клуби вингери Мусса Диаби билан музокара олиб бормоқда.
Эслатиб ўтамиз, франциялик футболчи тўртинчи мавсумни "доричилар" сафида ўтказмоқда ва шу вақт ичида у Бундеслиганинг энг яхши вингерларидан бирига айланди. Потенциал трансфер суммаси "Арсенал"га 80 миллион еврога тушиши мумкин.
23 ёшли Диаби жорий мавсумда 8 та гол урди ва 4 та голли узатмани амалга оширди. Аввалроқ, Франциянинг "ПСЖ" клуби ҳам ўз тарбияланувчисини ортга қайтаришга қизиқаётгани ҳақида хабарлар тарқалган эди.
