"Манчестер Юнайтед"нинг собиқ ҳимоячиси Пол Паркер ярим ҳимоячи Скотт Мактоминейнинг фаолиятини давом эттиришнинг мумкин бўлган вариантлари ҳақида гапирди.

"Ўйлашимча, унинг "Рейнжерс"га ўтиш имконияти бор. У "Селтик"да ўйнаш учун етарли даражада эмас. У "Селтик"нинг ўйин услубини ҳисобга олган ҳолда мунтазам ўйнай олмайди. Агар у "Рейнжерс"га ўтса, ўйнаш имконияти кўпроқ бўлади.

"Манчестер Юнайтед"ни тарк этиш унинг учун катта қарор. У буни қилиши керак, чунки ҳозир у Шотландия термасидаги ўрнини хавф остига қўймоқда.

У "Манчестер Юнайтед"да захира ўйинчиси бўлиши мумкин, лекин агар унда мағрурлик бўлса, у кўпроқ ўйинларда ўйнашни хоҳлаши керак. У муносиб мартаба қуриш учун етарлича чанқоқ эканлигини кўрсатиши керак.

Мен унинг яхши футболчи эканлигини исботлаш учун "Манчестер Юнайтед"дан кетишини кутаман", — деди Паркер Mybettingsites.co.uk билан суҳбатда.

Олдинроқ Скотт Мактоминай "Манчестер Юнайтед" кейинги трансфер ойнасида сотишга ҳаракат қиладиган футболчилар рўйхатига киритилгани ҳақида хабар берилганди. Клуб раҳбариятининг фикрича, шотландиялик футболчи ўз имкониятларини тўлиқ рўёбга чиқармаган.