"Manchester Yunayted"ning sobiq himoyachisi Pol Parker yarim himoyachi Skott Maktomineyning faoliyatini davom ettirishning mumkin bo‘lgan variantlari haqida gapirdi.

"O‘ylashimcha, uning "Reynjers"ga o‘tish imkoniyati bor. U "Seltik"da o‘ynash uchun yetarli darajada emas. U "Seltik"ning o‘yin uslubini hisobga olgan holda muntazam o‘ynay olmaydi. Agar u "Reynjers"ga o‘tsa, o‘ynash imkoniyati ko‘proq bo‘ladi.

"Manchester Yunayted"ni tark etish uning uchun katta qaror. U buni qilishi kerak, chunki hozir u Shotlandiya termasidagi o‘rnini xavf ostiga qo‘ymoqda.

U "Manchester Yunayted"da zaxira o‘yinchisi bo‘lishi mumkin, lekin agar unda mag‘rurlik bo‘lsa, u ko‘proq o‘yinlarda o‘ynashni xohlashi kerak. U munosib martaba qurish uchun yetarlicha chanqoq ekanligini ko‘rsatishi kerak.

Men uning yaxshi futbolchi ekanligini isbotlash uchun "Manchester Yunayted"dan ketishini kutaman", — dedi Parker Mybettingsites.co.uk bilan suhbatda.

Oldinroq Skott Maktominay "Manchester Yunayted" keyingi transfer oynasida sotishga harakat qiladigan futbolchilar ro‘yxatiga kiritilgani haqida xabar berilgandi. Klub rahbariyatining fikricha, shotlandiyalik futbolchi o‘z imkoniyatlarini to‘liq ro‘yobga chiqarmagan.