“Барселона” форварди миллий жамоа таркибида гол урганидан хурсанд эканини изҳор этди.

Вилла терма жамоага қайтиб, жума оқшомида Саудия Арабистони билан учрашувда Европа ва жаҳон чемпионларининг 5:0 ҳисобидаги ғалабасига ўз ҳиссасини қўшди. У терма жамоа таркибидаги ўзининг 52-голини дарвозага киритди.


30 ёшли футболчи ўтган йилнинг декабрида клублар ўртасидаги жаҳон чемпионатида “Ас-Садд”га қарши учрашувда жароҳат олиб, бутун мавсум давомида майдонга туша олмаган эди. Ҳатто, у Евро-2012 ҳам иштирок эта олмади.

“Барселона” футболчиси ўз қайтишидан қувончда эканлигини айтиб, терма жамоа билан бирга эканлигини таъкидлади.

“Бу - унутилмас онлар. Узоқ муддатдан сўнг терма жамоага қайтишдан бахтиёрман. Менинг мақсадим ўз ўйинимни топиш, ҳар куни бир неча дақиқа ўйнаш ва жамоа билан машқларни давом эттириш” – дейди у “Marca” нашрига берган интервьюсида. “Мураббийларнинг менга бўлган ишончидан бошим кўкка етди. Мен яна жамоа билан бирга эканлигимдан хурсандман. Жамоа мен учун бир оила”.

“Майдонга қайтишимдан қувончдаман. Кўп қийинчиликларни бошдан кечирдим, лекин мен яна жамоа билан биргаман. Мен кўп меҳнам қилишим керак. Кундан-кун ўйинимни топиб бораяпман ва машғулотларда фойдали дақиқаларни ўтказмоқдаман. Ўзим истаган даражага етишиш учун кўп ҳаракат қилишим керак”.