Мадриднинг “Реал” клуби ярим ҳимоячиси Марко Асенсио ёзги трансфер ойнасида “Барселона”га ўтади, дея хабар беради Football Transfer футболчига яқин манбаларга таяниб.

Нашрнинг ёзишича, футболчи аллақачон Каталония жамоасига ўтишга қарор қилган.

Унинг Мадрид клуби билан амалдаги шартномаси 2023 йилнинг ёзига қадар тузилган.

Аввалроқ, футболчининг хизматларига "Арсенал" ҳам қизиқиш билдираётгани ҳақида хабар берилганди.

27 ёшли испаниялик футболчи жорий мавсумда “Реал” сафида 31 та ўйинда майдонга тушиб, 6 та гол урди ва 5 та голли узатмани амалга оширди. Transfermarkt порталига кўра футболчининг нархи 25 миллион еврога баҳоланмоқда.