Madridning “Real” klubi yarim himoyachisi Marko Asensio yozgi transfer oynasida “Barselona”ga o‘tadi, deya xabar beradi Football Transfer futbolchiga yaqin manbalarga tayanib.
Nashrning yozishicha, futbolchi allaqachon Kataloniya jamoasiga o‘tishga qaror qilgan.
Uning Madrid klubi bilan amaldagi shartnomasi 2023 yilning yoziga qadar tuzilgan.
Avvalroq, futbolchining xizmatlariga "Arsenal" ham qiziqish bildirayotgani haqida xabar berilgandi.
27 yoshli ispaniyalik futbolchi joriy mavsumda “Real” safida 31 ta o‘yinda maydonga tushib, 6 ta gol urdi va 5 ta golli uzatmani amalga oshirdi. Transfermarkt portaliga ko‘ra futbolchining narxi 25 million yevroga baholanmoqda.
