"Реал" бош мураббийи Жозе Моуриньо шу кунларда Лука Модрич бўлиб турган Загреб шаҳрига борди, дея хабар беради испан матбуоти.

Модрич Хорватия терма жамоаси сафида ЖЧ саралаш босқичининг Бельгияга қарши ўйинига тайёргарлик кўрмоқда. Моуриньо Модрични кузатгани атайлаб Загреб шаҳрига келди ва "Реал"нинг собиқ ўйинчиси Давор Шукер билан учрашди.

"Моуриньо Хорватия термаси бош мураббийи Игорь Штимац ва ҳаммамиздан Модрични эҳтиёт қилишимизни сўради ва унинг "Реал" учун муҳим ўйинчи эканлигини таъкидлади. Унинг сўзларидан билиш мумкинки, Модрич "Реал"да жуда муҳим роль ўйнайди. "Реал"га келсак, бу жамоа бундай мураббий билан ишончи қўлларда", - дейди Шукер.