"Интер" бош мураббийи Симоне Индзаги ўз ишини йўқотишдан қўрқади. Tuttosport хабарига кўра, "нерадзуррилар"нинг амалдаги бош мураббийи раҳбарият жамоанинг собиқ бош мураббийи Антонио Контени ортга қайтармоқчи, деб ҳисобламоқда, унинг Лондоннинг "Тоттенхэм" клуби билан шартномаси мавсум охирида тугайди.
Эслатиб ўтамиз, Индзаги жорий мавсумда "Интер" раҳбарияти учун қониқарсиз натижалар кўрсатмоқда. Ҳозирда жамоа А Серия турнир жадвалида пешқадам “Наполи”дан 18 очкога ортда қолмоқда. Ўтган турда жамоа “Специя”га ютқазиб қўйди.
Индзаги “Интер”га бир ярим йилдан бери мураббийлик қилмоқда. Симоне жамоани 2021 йилнинг ёзида қабул қилиб олди, у аввалроқ “Лацио”ни тарк этганди.