«Ювентус» бош мураббийи Массимилиано Аллегри А Серияда «Сампдория» устидан 4:2 ҳисобида ғалаба қозонганидан кейин ўз фикрлари билан ўртоқлашди.
Туринликлар 26-дақиқага келиб 2:0 ҳисобида олдинга чиқиб олишганди, бироқ 31 ва 32-дақиқаларда гол ўтказиб юборди.
Иккинчи бўлимда «кекса синёра» ўз ўрнига қайтиб, рақибларини жавобсиз иккита гол билан жазолади.
«Биз ўйинларни қандай якунлашни, ўйинни яхшироқ бошқаришни ўрганишимиз керак. 2:0 ҳисобида олдинга чиқиб олдик ва бўш жойни ёпиб, қарши ҳужум режимига ўтишимиз керак эди, бундай бўлмади.
Бундай вазиятда тажрибали футболчилар консентрацияни йўқотмасликлари керак», - деди Аллегри DAZN нашрига берган интервьюсида.
