Журналист Девид Орнштейннинг сўзларига кўра, "Тоттенхэм" клуб ҳужумчиси Гарри Кейн билан хайрлашишга тайёр эмас.
"Шпорлар" раҳбарияти "Манчестер Юнайтед" 29 ёшли ҳужумчига кўз тикканидан хабардор, бироқ уни сотиш масаласи ҳали кўриб чиқилмаган.
"Тоттенхэм" ҳужумчиси жорий мавсумда АПЛда 27 та ўйинда майдонга тушиб, 20 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.