Лондоннинг "Челси" клуби раҳбарияти ёзги трансфер ойнасида бирданига уч нафар топ футболчиси билан хайрлашади. Бу ҳақда The Athletic хабар берди.
Ёзги трансфер ойнасида "аристократлар" ҳимоячилар Бен Чилуэлл ва Сезар Аспиликуэта ҳамда ҳужумчи Рахим Стерлинг бўйича таклифларни кўриб чиқишга тайёр.
Эслатиб ўтамиз, сўнгги икки трансфер ойнасида лондонликлар янги ўйинчиларни харид қилиш учун 600 миллиондан ортиқ маблағ сарфлашган.
"Челси" Англия Премьер-лигасининг жорий мавсумида 26 та ўйиндан сўнг 37 очко тўплашди ва турнир жадвалида бор-йўғи ўнинчи поғонада кетишмоқда.
