Londonning "Chelsi" klubi rahbariyati yozgi transfer oynasida birdaniga uch nafar top futbolchisi bilan xayrlashadi. Bu haqda The Athletic xabar berdi.
Yozgi transfer oynasida "aristokratlar" himoyachilar Ben Chiluell va Sezar Aspilikueta hamda hujumchi Raxim Sterling bo‘yicha takliflarni ko‘rib chiqishga tayyor.
Eslatib o‘tamiz, so‘nggi ikki transfer oynasida londonliklar yangi o‘yinchilarni xarid qilish uchun 600 milliondan ortiq mablag‘ sarflashgan.
"Chelsi" Angliya Premyer-ligasining joriy mavsumida 26 ta o‘yindan so‘ng 37 ochko to‘plashdi va turnir jadvalida bor-yo‘g‘i o‘ninchi pog‘onada ketishmoqda.