"Барселона" Гави билан янги шартномани расмийлаштиришда муаммога дуч келганди. Шунга қарамай, келишув Каталония клуби судга мурожаат қилганидан кейин расмийлаштирилганди.
Бироқ, эндиликда суд 18 ёшли футболчининг шартномасини рўйхатдан ўтказишни бекор қилди, чунки "кўк-анорранглилар" даъво аризаси бериш муддатини бузган. Бу ҳақда Relevo хабар бермоқда.
Гави энди "Барселона"да яна захира ўйинчиси сифатида ўйнайди. Кўринишидан, ярим ҳимоячи 6-рақам ўрнига яна 30-рақамли либосни кийиб ўйнашга мажбур бўлади.
2022/2023 йилги мавсумда Гави "Барселона" сафида 36 та ўйинда майдонга тушди. Уларда ярим ҳимоячи иккита гол урди ва шерикларига бешта голли узатма берди.
