«Арсенал»нинг собиқ ҳужумчиси Пол Мерсон Мартин Эдегорни АПЛнинг энг яхши ярим ҳимоячиси деб ҳисоблайди.

«Айни пайтда Эдегор Премьер-лиганинг энг яхши ярим ҳимоячиси. У «Арсенал»да «Ман Сити»даги Кевин де Брюйнедан кўра кўпроқ таъсирга эга.

Биз баъзи нарсалар ҳақида гапиришимиз керак ва Эдегор ҳозирда шубҳасиз биринчи рақамли футболчи», - дея Мерсоннинг сўзларини келтиради Sky Sports.

«Арсенал» кетма-кет бешинчи ўйинда ғалаба қозонди ва АПЛ пешқадамлигини сақлаб қолди (66 очко).

24 ёшли ярим ҳимоячи жорий мавсумда АПЛда 26 та ўйинда майдонга тушиб, 10 та гол урди ва 6 та голли узатмани амалга оширди.