"Брайтон" ярим ҳимоячи Адам Лаллана билан шартномани узайтирганини эълон қилди.
34 ёшли футболчининг янги шартномаси 2024 йилнинг июнига қадар мўлжалланган, дея хабар беради клуб матбуот хизмати. Олдинроқ жамоа бош мураббийи Роберто де Зербининг шахсан ўзи ярим ҳимоячи билан ҳамкорликни давом эттиришдан манфаатдор экани маълум бўлганди.
Адам Лаллана 2020 йилдан бери "Брайтон"да ўйнаб келади. У аввал "Ливерпул"да олти йил ўйнаган. Умуман олганда, тажрибали футболчи “Брайтон” сафида барча мусобақаларда 74 та ўйинда майдонга тушиб, 4 та гол ва 3 та голли узатмага муаллифлик қилган. Лаллана жорий мавсумда 18 та ўйинда майдонга тушиб, 3 та гол ва битта голли узатма муаллифи бўлган.
