"Brayton" yarim himoyachi Adam Lallana bilan shartnomani uzaytirganini e’lon qildi.
34 yoshli futbolchining yangi shartnomasi 2024 yilning iyuniga qadar mo‘ljallangan, deya xabar beradi klub matbuot xizmati. Oldinroq jamoa bosh murabbiyi Roberto de Zerbining shaxsan o‘zi yarim himoyachi bilan hamkorlikni davom ettirishdan manfaatdor ekani ma’lum bo‘lgandi.
Adam Lallana 2020 yildan beri "Brayton"da o‘ynab keladi. U avval "Liverpul"da olti yil o‘ynagan. Umuman olganda, tajribali futbolchi “Brayton” safida barcha musobaqalarda 74 ta o‘yinda maydonga tushib, 4 ta gol va 3 ta golli uzatmaga mualliflik qilgan. Lallana joriy mavsumda 18 ta o‘yinda maydonga tushib, 3 ta gol va bitta golli uzatma muallifi bo‘lgan.
