"Атлетико Мадрид" бош мураббийи Диего Симеоне "Жирона" устидан қозонилган минимал ғалабадан сўнг ўз фикрлари билан ўртоқлашди.
Учрашувнинг сўнгги дақиқаларида урилган Альваро Моратанинг голи эвазига "матрасчилар" уч очкони тортиб олишди.
“Агар барчамиз бир жамоа мақсадига эътибор қаратсак, ҳаммаси яхши бўлади. Албатта, 1:0 ҳисобидаги ғалаба ажойиб. Ҳар бир учрашувда шундай ғалаба қозонишга тайёрманми? Ҳозир сиз чиройли футболни яхши кўрадиган кўплаб стратегларни учратишингиз мумкин, аммо 1:0 ҳам чиройли ҳисоб", деди аргентиналик матбуот анжуманида.
