«Ан-Наср» ҳужумчиси Криштиану Роналду Саудия Арабистони кубоги чорак финал босқичи доирасида бўлиб ўтган «Абха» клубига қарши ўйинда (3:1) майдонда 87 дақиқа ҳаракат қилди.
Аммо у гол ҳам урмади, жамоасининг голларига ассистентлик ҳам қилмади. Боз устига, биринчи тайм охирида сариқ карточка ҳам олди.
Шу тариқа, португалиялик футболчи кетма-кет 3та ўйиндан буён жамоасининг голли вазиятларида иштирок этмаяпти. Аввалроқ у «Ал-Батин» (3:1) ва «Ал-Иттиҳод» (0:1)га қарши ўйинларда ҳам майдонни "қуруқ қўл" билан тарк этганди.
Роналду «Ан-Наср» клуби сафида жами 9та ўйинда қатнашиб, 8 гол ва 2 ассист муаллифига айланди.
