«Манчестер Юнайтед»нинг Европа лигаси доирасидаги «Реал Бетис»га қарши сафар ўйинида майдонга тушиши мумкин бўлган футболчилар рўйхатида Антони йўқ.
Бразилиялик футболчи касаллиги туфайли Испаниядаги баҳсда иштирок этмайди.
«Манчестер Юнайтед» 16 март пайшанба куни «Реал Бетис»га қарши ўйнайди. Ўтган ҳафтада Эрик тен Хаг шогирдлари ўз майдонида рақибни 4:1 ҳисобида мағлуб этганди. Бироқ, «қизил иблислар» бўшашмаслиги керак.
2022/2023 йилги мавсумда 23 ёшли Антони «Манчестер Юнайтед» сафида 29 та расмий ўйин ўтказди. Уларда бразилиялик еттита гол урди ва шеригига битта самарали узатма берди.
