"Реал" ёзда ўзининг қанот ҳужумчиси Эден Азардан қутулишни режалаштирмоқда. "Қироллик клуби" раҳбарияти футболчини ижарага бериш ва маошининг фақат ярмини тўлаш вариантини кўриб чиқмоқда. Бу ҳақда Испаниянинг Diario AS нашри хабар бермоқда.
Эслатиб ўтамиз, Азар ҳозирда "Реал Мадрид"да энг кўп маош олувчи футболчи ҳисобланади. Шу билан бирга, белгиялик футболчи жорий мавсумда Испания чемпионати ўйинларида бор-йўғи уч марта майдонга тушди.
Азарнинг ўзи аввалроқ "қироллик клуби"да яна бир мавсум қолишни истаётганини айтганди. Унинг шартномаси 2024 йилнинг ёзида якунига етади.