"Real" yozda o‘zining qanot hujumchisi Eden Azardan qutulishni rejalashtirmoqda. "Qirollik klubi" rahbariyati futbolchini ijaraga berish va maoshining faqat yarmini to‘lash variantini ko‘rib chiqmoqda. Bu haqda Ispaniyaning Diario AS nashri xabar bermoqda.
Eslatib o‘tamiz, Azar hozirda "Real Madrid"da eng ko‘p maosh oluvchi futbolchi hisoblanadi. Shu bilan birga, belgiyalik futbolchi joriy mavsumda Ispaniya chempionati o‘yinlarida bor-yo‘g‘i uch marta maydonga tushdi.
Azarning o‘zi avvalroq "qirollik klubi"da yana bir mavsum qolishni istayotganini aytgandi. Uning shartnomasi 2024 yilning yozida yakuniga yetadi.