Франциянинг "ПСЖ" клуби ҳимоячиси ва сардори Маркиньос янги шартнома имзолашга яқин турибди, дея хабар берди инсайдер Фабрицио Романо.
Журналистнинг сўзларига кўра, томонлар ўртасидаги музокаралар якуний босқичга кирган, футболчи вакиллари парижликлар раҳбарияти билан янги келишувнинг якуний тафсилотларини муҳокама қилишмоқда. Маркиньос "ПСЖ" таклиф қилган деярли барча шартларни қабул қилди.
Бразилиялик ҳимоячининг француз футбол гиганти билан янги шартномаси 2027 йилнинг июнига қадар мўлжалланган.
28 ёшли Маркиньос "ПСЖ" сардори ҳисобланади, у 2013 йилдан буён Франция жамоасида ўйнаб келмоқда. Жорий мавсумда бразилиялик парижликлар сафида барча мусобақаларда 35 та ўйин ўтказиб, иккита гол урган.
